Leo con Cleo

Teatro do Centenario. 5º de Educación Primaria

O alumnado de 5º de Primaria está a preparar unha Obra de Teatro coa Historia do Colexio para conmemorar os 100 anos de traxectoria.

Esta función será representada no festival de fin de curso.

Certame de Relatos curtos

Cada curso ao redor do Día das letras Galegas o Equipo de Dinamización e Normalización xunto co Equipo de Biblioteca organizan un "Certamen de Relatos Curtos".

É marabilloso ler e gozar coas historias que escribe o noso alumnado, a imaxinación e a creatividade non teñen límites.

No festival de final de curso, darase a coñecer o gañador ou gañadora de cada curso de este Concurso.

O alumnado visita na Biblioteca a Exposición do PDI deste curso. 100 anos en Compañía

O alumnado do colexio, desde o curso de 6º de Ed. Infantil ata 4º da ESO visitan a exposición cos traballos realizados no PDI destre curso. Interactúan, disfrutan e aprenden da historia do Colexio.

Recomendacións Lectoras

O Alumnado do noso Club de Lectura ponse diante das cámaras para facer recomendacións lectoras, uns verdadeiros BookTokers:

Padlet Colaboración de Bibliotecas Escolares

Varias Bibliotecas Escolares da zona do Morrazo, fiexemos unha colaboración creando este PADEL con recomendacións lectoras.

PADLET RECOMENDACIÓNS

É estupendo traballar con persoas implicadas en mellorar as Bibliotes cas Escolares.

PDI 100 anos en Compañía de María

O PDI deste curso está centrado na celebración do Centenario do noso Colexio.

O resultado final deste traballo podemos disfrutalo na Biblioteca do colexio durante o mes de Xuño.

Visita da autora Victoria Pinal

O venres 5 de xuño, o noso Club de Lectura tivo a sorte de recibir a visita da escritora Victoria Pinal. Compartimos unha charla moi próxima sobre “Tiña eu razón”, o seu primeiro libro de relatos para adultos, na que puidemos resolver dúbidas, coñecer curiosidades sobre o seu proceso creativo e conversar sobre as historias que dan vida á obra.

Grazas por acompañarnos e por facernos desfrutar tanto da literatura!

Apadriñamento lector

Hoxe o alumnado de 3º de ESO compartiu un intre de lectura cos nenos e nenas de 2º de Primaria.

Os maiores léronlles contos, axudáronlles a seguir as historias e desfrutaron xuntos dun momento diferente ao redor dos libros.

Unha actividade sinxela, pero desas que sempre deixan pegada: os pequenos gañan referentes lectores e os maiores descobren que ler tamén é compartir.

Grazas a todos por facelo tan doado. Repetiremos!

O COMPAÑÍA DE MARÍA DE CANGAS É CAMPIÓN DE GALICIA DO #ECOPREGUNTOIRO2026

Despois dunha auténtica odisea de meses estudando, preparando preguntas imposibles e superando eliminatoria tras eliminatoria… conseguimos chegar á final.

🚢 Cruzamos a ría en barco rumbo a Vigo.

🎙️ Entramos nos estudos de RadioVoz.

🥪 Merendamos para coller forzas.

🧠 Competimos pregunta a pregunta.

🏆 E rematamos proclamándonos campións de Galicia cun espectacular 9-4.

Orgullo absoluto do noso alumnado, do esforzo realizado e do traballo en equipo.

Agora… rumbo a Cerceda para recibir os premios xunto a Sogama e La Voz de Galicia.