Dia das Bibliotecas Escolares 24 de outubro

Onte os libros saíron da biblioteca para conquistar o patio!Celebramos o Día das Bibliotecas cunha actividade moi especial: "Ao aire libro".

Durante os recreos, o noso alumnado puido descubrir novas lecturas, escoller un libro e gozar do pracer de ler ao aire libre. Porque a lectura non entende de paredes e calquera recuncho pode converterse nun lugar perfecto para perderse entre historias.

Día das Escritoras

Onte, 19 de outubro, celebramos o Día das Escritoras 2026 baixo o lema «As amigas como forma de liberdade».Ao longo desta semana, o noso alumnado está a descubrir e dar visibilidade a escritoras de diferentes épocas, recuperando as súas voces, o seu legado e a importancia das redes de amizade, apoio e creación entre mulleres.

Porque escribir tamén é abrir camiños, deixar pegada e facer que outras voces poidan chegar máis lonxe.

Amizade, liberdade, memoria e palabra.

Xornada de bibliotecas escolares: da información ao coñecemento

Un ano máis, o equipo de biblioteca do noso centro asistiu á Xornada de Bibliotecas Escolares de Galicia.

Este encontro anual é un espazo fundamental para compartir experiencias, aprender novas estratexias de dinamización e seguir transformando a biblioteca no corazón do noso colexio. Baixo o lema desta edición, "Da información ao coñecemento", as ponencias e obradoiros centráronse na importancia de dotar o noso alumnado das ferramentas necesarias para xestionar a información de forma crítica, axudándolles a transformala nun aprendizaxe real, significativo e con valores.

Volvemos cargados de ideas frescas, lecturas ilusionantes e proxectos que moi pronto empezaremos a desenvolver no cole. Vémonos entre libros!

Horario biblioteca escolar

Xa estamos de volta na biblio! Compartimos o horario de préstamos que terá lugar nos recreos.

 

Club de Lectura "Planeta de Lectoras Tolas"

Volve o noso club de lectura!

Se che gusta ler, compartir opinións e descubrir novas historias, este é o teu sitio.

Alumnado: podedes anotarvos o luns 5 de outubro, no 2º recreo, na biblioteca. Prometemos boas lecturas, risas e momentos para compartir!

Familias: agardámosvos o venres 9 de outubro, de 15:45 a 16:45 h, na biblioteca do cole para coñecernos e anotarvos.

Únete ao noso planeta de lectores e lectoras!

Padlet Colaboración de Bibliotecas Escolares

Varias Bibliotecas Escolares da zona do Morrazo, fiexemos unha colaboración creando este PADEL con recomendacións lectoras.

https://padlet.com/moradabuli/recomendacions-bibliotecas-escolares-do-morrazo-2026-7y46hga7omo4d75g

É estupendo traballar con persoas implicadas en mellorar as Bibliotecas cas Escolares.

Teatro do Centenario. 5º de Educación Primaria

 O alumnado de 5º de Primaria está a preparar unha Obra de Teatro coa Historia do Colexio para conmemorar os 100 anos de traxectoria. 

Esta función será representada no festival de fin de curso.

Certame de Relatos curtos

 Cada curso ao redor do Día das letras Galegas o Equipo de Dinamización e Normalización xunto co Equipo de Biblioteca organizan un "Certamen de Relatos Curtos".

É marabilloso ler e gozar coas historias que escribe o noso alumnado, a imaxinación e a creatividade non teñen límites.

No festival de final de curso, darase a coñecer o gañador ou gañadora de cada curso de este Concurso.

Premios Faro na Escola

Estamos de celebración! Onte vivimos unha xornada inesquecible na entrega de premios de Faro da Escola: o noso cole levou nada menos que tres galardóns! 

Estes premios son o reflexo directo do enorme traballo e esforzo de toda a nosa comunidade educativa. O compromiso do alumnado e a paixón dos profes demostran que traballar en equipo e con ilusión sempre dá os seus froitos. 

Parabéns a todos e todas! Este éxito é de vós! Seguimos adiante, aprendendo e creando con máis enerxía ca nunca. 

O alumnado celebrou tamén  nas aulas o éxito obtido na gala de Faro na escola. A comunidade educativa sumouse á festa oranizando pequenos actos internos para recoñecer o esforzo dos novos xornalistas.

Esta iniciativa reforza o orgullo por un traballo en equipo que traspasou os muros do colexio.

Recomendacións Lectoras

 O Alumnado do noso Club de Lectura ponse diante das cámaras para facer recomendacións lectoras, uns verdadeiros BookTokers: