Exposición sobre a obra "El mar detrás" de Ginés Sánchez

 Desde hai unhas semanas, a entrada do colexio acolleu unha exposición cos traballos do alumnado de 1.º de ESO ao redor da obra “El mar detrás”, de Ginés Sánchez.

A través de diarios, maquetas, investigacións e creacións artísticas, o alumnado achegouse á historia de Isata e á realidade de miles de nenos e nenas refuxiados no mundo.
Non se trataba só de ler unha historia, senón de comprendela, poñerse no lugar do outro e reflexionar sobre a migración, os dereitos humanos e as consecuencias reais dos conflitos.
A exposición recolle semanas de traballo, preguntas necesarias e moita aprendizaxe significativa. Porque a literatura tamén serve para mirar o mundo con máis conciencia.